博客分类
最新博文
暑假濕身大作戰 去台中著泳衣睇3D展
由於平機票的關係,今個暑假又飛左去台中一轉!之不過今次唔想上清境、又唔想齋留係台中市,於是搵下台中附近有沒好野玩!結果比我發現到呢個:可以著泳衣入的3D展!
今次去台中,住在台中火車站附近,一早可以搭火車去后里火車站,車程約20分鍾。然後再從后里搭「特約計程車」去麗寶樂園,車資約NT200。台中、后里亦有巴士可到,不過今次人多計落可以share返的士錢,都化算。當然你都可以在台中直接搭的士去,不過車資要NT700以上。
如果講起水上樂園,相信大家都一定會諗起長隆。不過今次我就發現到原來在台中附近的「后里」有一個麗寶樂園,裡面有個叫「馬拉灣」的水上樂園。其實個模式有些少似長隆歡樂世界&水上樂園,一個係玩機動遊戲、一個係玩水。與長隆相比,呢度的確比較細,不過都夠玩一個下午。
今次的意外收穫係麗寶樂園內的一個3D藝術展,今個暑假限定,展期去到10月,又多一樣野睇下啦!展館分3個主題:搞怪、海洋、大冒險。而最搞笑的是可以著泳衣入去睇呢個3D展,因為3D展位於水上樂園隔離,相信都係鼓勵大家玩完水之後再直接入去睇埋展覽。整體黎講我都好中意呢個3D展!呢一日真係大滿足!
麗寶樂園
地點:台中市后里區福容路8號
門票:NT 800/成人(水陸聯票NT 990/成人)
2014暑期限定!Cool夏清涼3D特展
展期:即日起至2014年10月12日
時間:10:00 - 18:00(展覽期間不休館)
地點:麗寶樂園丨馬拉灣入口處右側展覽廳
門票:NT 200
相關:長隆4.19濕身來襲!水上樂園溫水迎夏日!
延伸:香港首個3D立體美術館 玩轉古今香港